Проверенная компания

Бошлиқ бўлсанг китоб ўқи!

  • 01.03.2018

Бошлиқ бўлсанг китоб ўқи!  

Ўзбек романчилигига асос солган буюк ўзбек адиби Абдулла Қодирийнинг “Ўткан кунлар”, “Меҳробдан чаён” романлари ҳали ҳануз энг дурдона романлар мақомида турибди. Бу ёзувчи асарлари бадиияти нақадар юксаклигидан далолат беради. Абдулла Қодирийнинг “Меҳробдан чаён”  романида ёзувчи давр ва шахс фожеасини очиб беришга интилади. Бунда  Анвар ва Раъно каби қаҳрамонлар тақдири, кўнгил кечинмалари, инсон қадр-қиммати, эрки ва эрксизлиги  каби тушунчалар ўқувчи қалбини жунбушга келтиради. Хон томонидан қилинган зулмнинг адолатсизлиги, икки қалбнинг изтиробларига бефарқ қарай олмайсиз. Бу асарларни қайта-қайта ўқиб янги қирраларини ўзингиз учун кашф қилиб борасиз. Ушбу асар менда чуқур таассурот қолдирди.